ജനാധിപത്യ ഇന്ത്യയെ തിരിച്ചുപിടിക്കാന്‍ മതേതര ചേരിയെ ശക്തിപ്പെടുത്തുക
കല്‍പ്പറ്റ: ആസന്നമായ പാര്‍ലമെന്റ് തെരഞ്ഞെടുപ്പ് ഇന്ത്യന്‍ മതേതരത്വത്തിനും ന്യൂനപക്ഷങ്ങള്‍ക്കും ഭീഷണി ഉയര്‍ത്തുന്നുവെന്നും ജനാധിപത്യ ഇന്ത്യയെ തിരിച്ചുപിടിക്കാന്‍ മതേതര ചേരിയെ ശക്തിപ്പെടുത്തണമെന്നും കെ എന്‍ എം മര്‍കസുദ്ദഅ്‌വ വയനാട് ജില്ലാ കമ്മിറ്റി സംഘടിപ്പിച്ച ഇഫ്താര്‍ സംഗമം ആവശ്യപ്പെട്ടു.
പള്ളികള്‍ പൊളിച്ചും പൗരത്വം, ഏക സിവില്‍കോഡ് എന്നിവ പ്രശ്‌നവല്‍ക്കരിച്ചും മുസ്‌ലിംകളെ ശത്രുപക്ഷത്ത് നിര്‍ത്തുന്ന വിദ്വേഷ രാഷ്ട്രീയത്തിന്റെ വക്താക്കളായ ഫാസിസ്റ്റുകളുടെ കൈകളില്‍ നിന്നു ജനാധിപത്യ മതേതര ഇന്ത്യയെ തിരിച്ചുപിടിക്കാന്‍ വോട്ടവകാശം ഉപയോഗിക്കണം. ഇഫ്താര്‍ സംഗമം അഡ്വ. ടി സിദ്ദീഖ് എം എല്‍ എ ഉദ്ഘാടനം ചെയ്തു. ജില്ലാ പ്രസിഡന്റ് എസ് അബ്ദുസ്സലീം അധ്യക്ഷത വഹിച്ചു. ഡോ. ജമാലുദ്ദീന്‍ ഫാറൂഖി, ഡോ. മുസ്തഫ ഫാറൂഖി, പി കെ അബൂബക്കര്‍, പോക്കര്‍ ഫാറൂഖി, വട്ടക്കാരി മജീദ്, കെ എം കെ ദേവര്‍ഷോല, സലീം, ഹൈദ്രൂസ് കല്‍പ്പറ്റ, അബ്ദുല്‍മനാഫ് ബത്തേരി, സൈതലവി എന്‍ജിനീയര്‍, യൂസുഫ് നദ്‌വി, എം മുഹമ്മദ് മാസ്റ്റര്‍, ജാഫര്‍ കല്‍പ്പറ്റ, നജീബ് കാരാടന്‍, അജില്‍ മലനാട്, മുസ്തഫ ഇ, ഫത്താഹ് മേപ്പാടി, അബ്ദുറഹ്‌മാന്‍ മീനങ്ങാടി, ഹമീദ് കല്‍പ്പറ്റ, അബ്ദുസ്സലാം കുന്നമ്പറ്റ, ഹക്കീം അമ്പലവയല്‍, കെ പി മുഹമ്മദ്, അബ്ദുസ്സലാം മുട്ടില്‍, ഹാസില്‍ കുട്ടമംഗലം, അമീര്‍ അന്‍സാരി പ്രസംഗിച്ചു.