15 Saturday
June 2024
2024 June 15
1445 Dhoul-Hijja 8

NEETന് ഇപ്പോള്‍ അപേക്ഷിക്കാം


ദേശീയതലത്തില്‍ എം ബി ബി എസ്, ബി ഡി എസ്, ആയുര്‍വേദം, ഹോമിയോപ്പതി, സിദ്ധ, യുനാനി എന്നീ കോഴ്‌സുകളുടെ ബിരുദതല മെഡിക്കല്‍ പ്രവേശത്തിനുള്ള പരീക്ഷയായ NEET യു ജി മെയ് 7-ന് നടക്കും. അപേക്ഷ ഏപ്രില്‍ 6 രാത്രി വൈകുന്നേരം 9 വരെ neet.nta.nic.in വഴിനല്‍കാം. അപേക്ഷാ ഫീസ്: ജനറല്‍ 1700 രൂപ, ഇ ഡബ്ല്യു എസ്/ ഒ ബി സി 1600 രൂപ, പട്ടിക, ഭിന്നശേഷി, തേര്‍ഡ് ജെന്‍ഡര്‍ 1000 രൂപ, വിദേശത്ത് പരീക്ഷാ കേന്ദ്രം തിരഞ്ഞെടുക്കുന്നവര്‍ക്ക് 9500 രൂപ.

ഇന്ത്യന്‍ സ്റ്റാറ്റിറ്റിക്കല്‍ ഇന്‍സ്റ്റിറ്റ്യൂട്ടില്‍
ഗണിതപഠനത്തിന് അപേക്ഷിക്കാം

ഗണിതശാസ്ത്ര/ സ്റ്റാറ്റിസ്റ്റിക്‌സ് അനുബന്ധ വിഷയങ്ങളില്‍ ബിരുദ ബിരുദാനന്തര തലത്തില്‍ പഠനസൗകര്യം ഒരുക്കുന്ന ഇന്ത്യന്‍ സ്റ്റാറ്റിറ്റിക്കല്‍ ഇന്‍സ്റ്റിറ്റ്യൂട്ടില്‍ വിവിധ കോഴ്‌സുകളിലേക്ക് ഏപ്രില്‍ 5 വരെ https://www.isical.ac.in വഴി അപേക്ഷിക്കാം. മെയ് 14ന് പ്രവേശന പരീക്ഷ നടക്കും. കേരളത്തില്‍ എറണാകുളത്തും തിരുവനന്തപുരത്തും പരീക്ഷാ കേന്ദ്രങ്ങളുണ്ട്. അപേക്ഷ ഫീസ് ജനറല്‍ ആണ്‍കുട്ടികള്‍ക്ക്1500, പെണ്‍കുട്ടികള്‍ക്ക് 1000, സംവരണ വിഭാഗത്തിന് 750 രൂപ. വിശദവിവരങ്ങള്‍ വെബ്‌സൈറ്റില്‍ ലഭ്യമാണ്.

എന്‍ ഐ ടികളില്‍ എം സി എ
രാജ്യത്തെ എന്‍ ഐ ടികളില്‍ മാസ്റ്റര്‍ ഇന്‍ കമ്പ്യൂട്ടര്‍ അപ്ലിക്കേഷന്‍ (MCA) പ്രോഗ്രാം പ്രവേശനത്തിനായി ദേശീയതലത്തില്‍ നടക്കുന്ന പരീക്ഷയായ NIMCET 2023ന് ഏപ്രില്‍ 10 വൈകുന്നേരം 5 മണി വരെ അപേക്ഷിക്കാം. പരീക്ഷ ജൂണ്‍ 11-ന്. മാത്തമാറ്റിക്‌സ്/ സ്റ്റാറ്റിസ്റ്റിക്‌സ് ഒരു വിഷയമായി പഠിച്ച്, കുറഞ്ഞത് മൂന്നു വര്‍ഷം ദൈര്‍ഘ്യമുള്ള കോഴ്‌സിലൂടെ ഏതെങ്കിലും വിഷയത്തിലെ ബിരുദം അല്ലെങ്കില്‍ ബി ഇ/ ബി ടെക് ബിരുദം ഉള്ളവര്‍ക്ക് അപേക്ഷിക്കാം. അപേക്ഷാ ഫീസ് 2500 രൂപ (പട്ടിക/ഭിന്നശേഷി വിഭാഗക്കാര്‍ക്ക് 1250 രൂപ) കൂടുതല്‍ വിവരങ്ങള്‍ക്കും അപേക്ഷിക്കാനും http://nimcet.in

ചെന്നൈ മാത്തമാറ്റിക്കല്‍ ഇന്‍സ്റ്റിറ്റ്യൂട്ടില്‍ വിവിധ കോഴ്‌സുകള്‍
ഗണിതശാസ്ത്ര പഠന ഗവേഷണ മേഖലയില്‍ പ്രസിദ്ധമായ സ്ഥാപനമായ ചെന്നൈ മാത്തമാറ്റിക്കല്‍ ഇന്‍സ്റ്റിറ്റ്യൂട്ടിലെ കോഴ്‌സുകളിലേക്ക് പ്രവേശനം ആഗ്രഹിക്കുന്നവര്‍ https://www.cmi.ac.in വഴി ഏപ്രില്‍ 9 വരെ അപേക്ഷിക്കാം. മാത്തമാറ്റിക്‌സിനൊപ്പം ഫിസിക്‌സ്, കമ്പ്യൂട്ടര്‍ ആപ്ലിക്കേഷന്‍ എന്നിവ അടങ്ങിയ രണ്ട് ത്രിവത്സര ബിരുദവും എം എസ് സിയും മറ്റു ഗവേഷണ പ്രോഗ്രാമുകളും ലഭ്യമാണ്. പ്രവേശന പരീക്ഷ മെയ് ഏഴിന്.

0 0 vote
Article Rating
Back to Top
0
Would love your thoughts, please comment.x
()
x