ഇസ്ലാഹി സെന്റര് ജി സി സി കോ-ഓര്ഡിനേഷന് കമ്മിറ്റി; സലാഹ് കാരാടന് പ്രസിഡന്റ്, ലത്തീഫ് നല്ലളം ജന. സെക്രട്ടറി
സലാഹ് കാരാടന് (പ്രസിഡന്റ്),അബ്ദുല്ലത്തീഫ് നല്ലളം (ജന.സെക്രട്ടറി), ഹസൈനാര് അന്സാരി (ട്രഷറര്)
കോഴിക്കോട്: വിവിധ ഗള്ഫ് രാജ്യങ്ങളിലെ ഇസ്ലാഹീ സെന്ററുകളുടെ കേന്ദ്രസമിതിയായ ജി സി സി കോ-ഓര്ഡിനേഷന് കമ്മിറ്റിയുടെ പ്രസിഡന്റായി സലാഹ് കാരാടന് (സഊദി അറേബ്യ), ജന. സെക്രട്ടറിയായി അബ്ദുല്ലത്തീഫ് നല്ലളം (ഖത്തര്), ട്രഷററായി ഹസൈനാര് അന്സാരി (യു എ ഇ) എന്നിവരെ തെരഞ്ഞെടുത്തു. വൈസ് പ്രസിഡന്റുമാരായി കെ എന് സുലൈമാന് മദനി (ഖത്തര്), സിദ്ദീഖ് മദനി (കുവൈത്ത്), ഹുസൈന് മാസ്റ്റര് (ഒമാന്) എന്നിവരെയും സെക്രട്ടറിമാരായി സാബിര് ഷൗക്കത്ത് (യു എ ഇ), ഫാറൂഖ് സ്വലാഹി (സുഊദി അറേബ്യ), നൂറുദ്ദീന് (ബഹ്റയ്ന്) എന്നിവരെയും തെരഞ്ഞെടുത്തു.
വൈസ് പ്രസിഡന്റുമാര്: കെ എന് സുലൈമാന് മദനി, സിദ്ദീഖ് മദനി, ഹുസൈന് മാസ്റ്റര്
രാജ്യത്തിന്റെ വിദേശ നാണ്യ ശേഖരത്തിലേക്ക് ഗണ്യമായ വിഹിതം സംഭാവന ചെയ്യുന്ന ഗള്ഫ് ഇന്ത്യക്കാരെ കേന്ദ്ര സംസ്ഥാന സര്ക്കാറുകള് അവഗണിക്കുകയാണെന്ന് ജി സി സി കോ-ഓര്ഡിനേഷന് കമ്മിറ്റി കുറ്റപ്പെടുത്തി. രാജ്യത്തിന്റെ സമ്പദ് ഘടനയില് നിര്ണായക പങ്കുവഹിക്കുന്ന ഗള്ഫ് ഇന്ത്യക്കാരെ ചൂഷണം ചെയ്യുകയല്ലാതെ അവര്ക്ക് അര്ഹമായ ആശ്വാസ പദ്ധതികളൊന്നും നടപ്പിലാക്കാന് കേന്ദ്ര- സംസ്ഥാന സര്ക്കാറുകള് തയ്യാറാവുന്നില്ല. വിമാന കമ്പനികള്ക്ക് ഗള്ഫ് ഇന്ത്യക്കാരെ കൊള്ളയടിക്കാന് കൂട്ടുനില്ക്കുകയാണ് കേന്ദ്ര വ്യോമയാന മന്ത്രാലയമെന്നും യോഗം അഭിപ്രായപ്പെട്ടു.
കെ എന് എം മര്കസുദ്ദഅ്വ സംസ്ഥാന ട്രഷറര് എം അഹ്മദ്കുട്ടി മദനി തെരഞ്ഞെടുപ്പ് യോഗത്തില് അദ്ധ്യക്ഷത വഹിച്ചു. സംസ്ഥാന സെക്രട്ടറിമാരായ എന് എം അബ്ദുല്ജലീല്, എം ടി മനാഫ് എന്നിവര് തെരഞ്ഞെടുപ്പ് നിയന്ത്രിച്ചു.