കോഴിക്കോട് സൗത്ത് ജില്ലയില് മാനവികതാ സന്ദേശയാത്രക്ക് തുടക്കം
കോഴിക്കോട്: മുജാഹിദ് സമ്മേളനത്തിന്റെ പ്രചാരണാര്ത്ഥം കോഴിക്കോട് സൗത്ത് ജില്ല സംഘാടക സമിതി സംഘടിപ്പിക്കുന്ന മാനവികതാ സന്ദേശ യാത്രക്ക് തുടക്കമായി. പത്ത് ദിവസം ജില്ലയുടെ വിവിധ ഭാഗങ്ങളില് പ്രയാണം നടത്തും. യാത്രയുടെ ഭാഗമായി സന്ദേശ ലഘുലേഖ വിതരണം, ഡോക്യുമെന്ററി പ്രദര്ശനം, മാനവികതാ പ്രഭാഷണം ,സൗഹൃദ കോര്ണര് എന്നിവ നടക്കും. മീഞ്ചന്ത വട്ടക്കിണറില് കെ എന് എം മര്കസുദ്ദഅ്വ ജില്ലാ പ്രസിഡന്റ് പി ടി അബ്ദുല്മജീദ് സുല്ലമി സന്ദേശയാത്ര ഉദ്ഘാടനം ചെയ്തു ജില്ലാ സെക്രട്ടറി ടി പി ഹുസൈന് കോയ അധ്യക്ഷത വഹിച്ചു. ദഅ്വ കണ്വീനര് എം ടി അബ്ദുല്ഗഫൂര്, അബ്ദു മങ്ങാട്, കുഞ്ഞിക്കോയ ഒളവണ്ണ, ബി വി മഹ്ബൂബ്, അബ്ദുസ്സലാം കാവുങ്ങല് പ്രസംഗിച്ചു.