വെളിച്ചം എട്ടാമത് സംസ്ഥാന സംഗമം ഏപ്രില് 21ന് ആലപ്പുഴയില് സ്വാഗതസംഘം രൂപീകരിച്ചു
ആലപ്പുഴയില് നടക്കുന്ന വെളിച്ചം എട്ടാമത് സംസ്ഥാന സംഗമത്തിന്റെ സ്വാഗതസംഘം രൂപീകരണയോഗം ചെയര്മാന് അബ്ദുല്കരീം സുല്ലമി ഉദ്ഘാടനം ചെയ്യുന്നു.
ആലപ്പുഴ: വെളിച്ചം എട്ടാമത് സംസ്ഥാന സംഗമവും അവാര്ഡ്ദാനവും ഏപ്രില് 21-ന് ആലപ്പുഴയില് നടക്കും. സമ്മേളനത്തിന്റെ വിജയത്തിനായി സ്വാഗതസംഘം രൂപീകരിച്ചു. കെ എന് എം സൗത്ത് സോണ് പ്രസിഡന്റ് വി മുഹമ്മദ് സുല്ലമി മുഖ്യ രക്ഷാധികാരിയായും സെക്രട്ടറി കെ എ സുബൈര് അരൂര് ചെയര്മാനുമായി വിപുലമായ സ്വാഗതസംഘമാണ് രൂപീകരിച്ചത്. കണ്വന്ഷന് വെളിച്ചം സംസ്ഥാന ചെയര്മാന് അബ്ദുല്കരീം സുല്ലമി എടവണ്ണ ഉദ്ഘാടനം ചെയ്തു. കെ എ സുബൈര് അധ്യക്ഷത വഹിച്ചു. വെളിച്ചം സംസ്ഥാന കണ്വീനര് ശാനിഫ് വാഴക്കാട്, ഐ എസ് എം സംസ്ഥാന സെക്രട്ടറി പി എ ഷമീര് ഫലാഹി, കെ എന് എം ജില്ലാ സെക്രട്ടറി വൈ മുഹമ്മദ് മുനീര്, ഐ എസ് എം ജില്ല പ്രസിഡന്റ് അനീസ് അബ്ദുസ്സലാം, ഹുസൈന് കായംകുളം, ഹിഷാം സിയാദ്, സഫല നസീര് പ്രസംഗിച്ചു.