വയനാട് പുനരധിവാസ പദ്ധതി ബഹ്‌റൈന്‍ ഇസ്‌ലാഹി സെന്ററിന്റെ ഫണ്ട് കൈമാറി
കോഴിക്കോട്: മുണ്ടക്കൈ ദുരന്തത്തില്‍ പുനരധിവാസ പദ്ധതികള്‍ക്കായി ബഹ്‌റൈന്‍ ഇന്ത്യന്‍ ഇസ്‌ലാഹി സെന്റര്‍ പ്രഖ്യാപിച്ച സഹായത്തിന്റെ ആദ്യഘഡു ഐ എസ് എം സംസ്ഥാന സമിതിക്കു കൈമാറി. മര്‍കസുദ്ദഅ്‌വയില്‍ നടന്ന ചടങ്ങില്‍ ഇസ്‌ലാഹീ സെന്റര്‍ ട്രഷറര്‍ സഫീര്‍ കണിയാംകണ്ടിയില്‍ നിന്നു ഐ എസ് എം സംസ്ഥാന പ്രസിഡന്റ് സഹല്‍ മുട്ടില്‍, ജന.സെക്രട്ടറി ഡോ. കെ ടി അന്‍വര്‍ സാദത്ത് എന്നിവര്‍ തുക ഏറ്റുവാങ്ങി. നാട്ടിലെ ഏത് ആപത്ഘട്ടത്തിലും പ്രവാസികളുടെ കൈത്താങ്ങ് അവര്‍ ഈ മണ്ണിനോടും മനുഷ്യരോടും കാണിക്കുന്ന കരുണയുടെ അടയാളമാണെന്നു സഹായം സ്വീകരിച്ചുകൊണ്ട് ഭാരവാഹികള്‍ പറഞ്ഞു. ഇസ്‌ലാഹി സെന്റര്‍ വൈസ് പ്രസിഡന്റ് സിറാജ് മേപ്പയ്യൂര്‍, റഷീദ്, മുന്‍ ഭാരവാഹികളായ വി ടി ഇര്‍ഷാദ്, ജൗഹര്‍ ഫാറൂഖി, റഫീഖ്, സുധീര്‍ ചെറുവാടി, ഇബ്‌റാഹീം, ശമീം പങ്കെടുത്തു.